都幾難取捨,換新喉好似好d, 但明喉又好擇駛

今日通完, ok未呀?

我都約左煤氣公司明天拆舊有煤氣爐.

唔ok, 塞死左,要明喉,仲要穿廚櫃廚房鑽孔,拆廳柜頂,穿廁所兩個牆身然後明喉接落熱水爐...完工! 所有新裝修既柜-油漆-牆磚-爛曬! 多左條好突出既鐵喉係度,又再回復公屋fill!

如果是這樣,可以改用電嗎?ex.電熱水器or電炉?

可否向房署投訴

有無得追討?

咁即係要未裝飾前查哂所有關於入牆野先得喎?

煤氣公司回應話早在上年12月賣樓前已全面所檢查所有單位煤氣設施,包括爐具,氣喉及接上燃氣試爐,每一個單位都正常才出售,房署亦有派人隨機抽查單位煤氣設施是否正常,在多個手續下還是有我的單位情況出現,至於追討問題,煤氣公司未有正確回覆.

最好先檢查.

今日會去管理處交form.

用電爐都好唔方便,先煲幾個字時間等水滾,夏天都冇問題可以沖涼及洗頭一次過,但冬天夠沖涼但唔夠洗頭及沖涼一齊,一個沖完又要等幾個字到第二個,非常不方便,用電爐費用比較高,所以不受歡迎.

咁裝修黎做乜??

我今日拆左煤氣爐及裝左新爐氣喉，　但新煤氣喉由煤氣標個到開始裝，　我發覺煤氣師父裝得離牆好開， 　如果以後做左櫃，　個煤氣標離牆咁開，裡面根本放吾到野入去，　浪費空間，　我同我個裝修師父要求個煤氣師父裝好ｄ，　同裝離牆近ｄ，　煤氣師父話沒辦法做到，　原因舊有煤氣喉係咁長，他們不原意做短．　（我個裝修師父就話其實可以做到的，　只是他們收了錢，　不想多做工夫，　因為他們是煤氣公司外判）他們走後，　我打電話去煤氣公司投訴，　沒多久個煤氣師父打電話給我，　我再一次同他說我不滿意的地方，　他就說我ｐａｙ的錢不包改原裝煤氣喉改短，如果要改就加多３佰幾元，　嘩！趁火打劫．我罵他在我家裝喉的時候，　為什麼不停說沒辦法做到，現在就改口風，可以做到，　加錢哦．
大家都知道，　我地ｄ屋係居屋，　一住就好耐，間屋都使咁多錢反轉再反轉咁裝修，當然係想裝修得好住ｄ，　無理由成個煤氣標令到個洗碗地櫃下面放吾入野架，破壞左我裝修的原則
　

煤氣公司師父好串架,我比晒錢話改喉,佢都可以唔肯改向我指定位置,但錢又照收,做得又求其.....   , 如果可以,我寜可用石油氣都唔想用煤氣公司咁激氣.....

唔好勞氣啦,有得改好過冇得改,
裝修係咁家,邊會有全部順順利利呀!