領都質量和設計最差

Michael-1974

特區政府成立百億關愛基金，試圖化解「仇富」情緒，但發展商處處「賺到盡」，小市民怨氣怎能平復。怎樣才算「賺到盡」？購入長實日出康城單位的小業主有深刻體會。除單位延期交樓及嚴重發水外，更有不少極具創意的「賺盡」特色，由地腳線到天花線的「慳家」設計，到全屋家電只得半年保養，曾光顧長和系三個樓盤的小業主不禁問：「發展商良心去咗邊？」　記者：林浚川

張氏夫婦多年前購入和黃發展、樓齡逾 30年的紅磡灣中心，其後搬到同是和黃旗下的黃埔花園，到最近買入長實的日出康城第二期領都。以樓論樓，夫婦兩認為領都質量和設計最差，張太慨嘆：「呢幾十年全世界都進步，只有長實倒退。」張先生則說：「初時日出康城叫夢幻之城，入到嚟乜嘢夢幻都破滅晒！」


露台天花入伙已剝落
張家的四房單位面積過千呎，買入價逾 600萬元，價錢堪稱區內豪宅，但張太批評質量連公屋都不如。例如全屋 12幅玻璃窗都有微細小孔，擔心可能整塊爆裂，要全數更換。露台天花剛入伙已剝落，裝修師傅修葺時發現三塊「空心磚」，導致批盪不平，又要換。大廈走火樓梯牆身只上油漆，表面粗糙不堪，張太狠評：「公屋都冇咁求其啦！」
客廳天花線看似延伸全屋，實際上兩部分體式冷氣機背後，都欠缺一段約兩呎長的天花線，張先生要求長實補回卻被拒：「職員話呢段係唔包，叫我自己去搵，我搵勻全港都冇，肯畀錢都買唔到」。多次投訴後，長實終補回兩段成本價可能只是數十元的天花線。

要數最具創意的「賺盡」設計，非地腳線莫屬。一般地腳線厚度不超過一厘米，但長實旗下多個新盤，地腳線厚逾一吋，原來內藏電話線和電線，省卻線路走喉入牆的建築成本。小業主若要更換全屋地腳線便要自掏腰包，若不更換地腳線，絕大部份現成傢俬都無法貼牆，實用空間買少見少。
日出康城另一「賺盡」特色是買樓時附帶的全屋家電，竟只得半年保養，張太說：「我做咗幾十年人，第一次聽電器得半年保養。」更絕的是業主如要續保，首年只可光顧長實旗下的豐澤電器。有日出康城業主在網上透露，入伙不久冷氣機即故障，致電豐澤才知保養期已過，上門檢查收費 450元，留言慨嘆：「不能不佩服佢哋（發展商）賺錢諗頭，真係沙漠都掘到出水」。
張氏夫婦寄望長實盡快完成「執漏」，但本身是日出康城第一期首都業主的將軍澳區議員方國珊表示，首都入伙超過一年，很多單位仍未完成「執漏」，「每個單位都講緊幾百萬，發展商係咪真係要咁樣賺到盡？將咁嘅質素嘅樓交畀買家？」
長實成本亦「鍊到盡」，建築業界指長實分判工程向來價低者得，分判商「冇肉食」只好向下壓榨，重效率多於質素，是樓盤質素參差主因

http://hk.apple.nextmedia.com/te ... &cat_id=7355444

Michael-1974

長實主席、首富李嘉誠曾說：「君子愛財，取之有道」。但旗下樓盤設計「賺到盡」，變相將建築成本轉嫁到小業主身上， 80後裝修設計公司負責人 Petersun（圖）形容做法「不道德」，最近便寫 blog教路拆解黑心設計，他說：「要等公眾知道發展商點樣埋沒自己良心，去欺詐市民金錢。」


業主裝修一闊三大
網民 Petersun最近在網誌（

http://hk.myblog.yahoo.com/peter-sun）撰文「新樓裝修越嚟越離譜，高地價政策的禍害」，以長實日出康城為例子，講解各種設計如何增加裝修成本，例如他筆下的「地獄地腳線」，他說：「如果要換要重新做電線分佈，打喉、藏喉，一個三房兩廁單位要用多 6、 7萬蚊，如果唔換，地腳線加埋佔你間屋 20呎空間。」

放大圖片

領都地腳線厚逾一吋，內藏電線和電話線，更換會非常麻煩。讀者 Petersun提供圖片

自小跟隨父親入行的 Petersun形容，領都設計和質量都非常差，令業主裝修時一闊三大，他說：「佢（長實）呢啲設計起樓時可以節省好多人工，用少好多料，一定可以賺多啲，但對小業主好唔公平。」他表示寫 blog是要讓置業的市民多些參考，「好多人畢生積蓄用嚟買樓，但只係可以睇示範單位，睇唔到問題」。他指樓盤設置「清水房」是好事，至少讓市民有實物參考，又鼓勵小業主要多發聲，爭取合理權益。

http://hk.apple.nextmedia.com/te ... &cat_id=7355444

Michael-1974

人稱詹 sir的專業驗樓師詹濟南，過去十年在全港驗收逾八千個單位，堪稱驗樓王。詹 sir近兩個月在日出康城領都替小業主驗收過百個單位，全部單位都要「執漏」，當中有一成半單位更屬嚴重個案。詹 sir形容長實近年樓盤如映灣園、都會駅到日出康城，質素通通欠佳，聽得最多小業主抱怨的是這一句：「如果有錢，一定唔會再買長實樓！」
嘆部份發展商冇進步
詹 sir表示，新樓入伙有三兩處地方需要「執漏」屬可接受範圍，但日出康城單位往往有五至十處問題，他驗收的過百個單位中，記憶所及全部都要換玻璃窗，少則三四隻，最多一個單位要換十八隻窗，另有約二十個單位有「空心磚」，兩三個單位窗台漏水，還有不少單位地台和牆身不平，他說：「領都畀我感覺係倉卒交貨。」對於發展商「賺盡」設計，詹 sir表示不屬驗樓範圍，難以評論，但他也不禁慨嘆：「好似條天花線，到冷氣機頂就少咁段，一層樓賺咁多錢，小小嘢都唔畀人，使唔使賺到咁盡？」詹 sir十年前在香港首創驗樓服務，他形容：「香港私樓質素呢十年間總體上有進步，但有個別發展商追唔上，同市民期望有一段距離」。
http://hk.apple.nextmedia.com/te ... &cat_id=7355444

Michael-1974

CK Good Friend = Apple Daily!!

sung123

張氏夫婦所說的會不會誇張了點.

kingking1388

What they said about the minor issues were correct. But for me, I still feel my decision to buy Le Prestige seaview is very correct! This morning when I looked at the view from master bedroom, I was so satisfied...

The interior quality is ok la and it will not cost so much to change if you like.

無相空花

聽其言觀其行, "君子愛財, 取之有道" 唔係用把口講出來, 放長雙眼睇下點.

Hellomoto

張氏夫婦所說的會不會誇張了點.
sung123 發表於 2010-10-25 08:09

除了 '大廈走火樓梯牆身只上油漆' 一點, 全都是正確指控!

KandT

「初時日出康城叫夢幻之城，入到嚟乜嘢夢幻都破滅晒！」真係好有同感
我都成日諗: 如果再揀，一定唔會再買長實樓

大量執漏唔在講, 地獄地腳線, 電器得半年保養, 無無謂謂既雙子大堂, 大廈走火樓梯牆身只上油漆.... 幾百萬層樓, 又唔係居屋, 咁既水準, 仲要收豪宅級管理費, 加埋加埋真係好離譜好'慶'囉.

lazioman

天啊.