至運輸署的信

sam9035

敬啟者:

本人乃牛池灣瓊東街8號嘉峰臺之居民，入住這屋苑一年多，發現對外交通接駁嚴重不足和有必要作出改善，直至現在，我們只有一條由誠利有限公司營運的79M小巴路線往返黃大仙港鐵站，雖然誠利有限公司已於去年12月22日加開了逢星期一至五上午7:00至9:00的79M特別線前往鑽石山港鐵站，但對整體居民實質幫助不大，希望貴署能對這問題作出研究和改善，是否可以增加一些新路線交給營運商經營。

本人知道有很多類似嘉峰臺的屋村都沒有很多屬於自己總站的小巴或巴士路線，但就會有一些附近路線的公共車輛願意專程駛入來載客和落客，本人現有2個提議：

(1) 本人知道有一條19M小巴路線是由慈雲山前往鑽石山港鐵站，因此本人提議可否讓這路線在前往慈雲山或鑽石山站途中駛往瓊東街迴旋處接載瓊東街居民往返慈雲山或鑽石山港鐵站

(2) 第二個方案是可否將70號專線小巴路線由現在的鑽石山巴士站伸延至瓊東街，即70號專線小巴改為從瓊東街嘉峰臺至大角咀奥運站

如這些安排真的落實，那樣便不需要在立刻增加新路線情況下可以馬上為瓊東街居民額外提供多些交通工具作選擇，知道有些街坊之前也有去信貴署提出類似要求,然而貴署卻提議他們行往斧山道，那裡有很多選擇，貴署亦提及轉上瓊東街會延長行車時間,影響服務質素云云……
尤於嘉峰臺現有超過二千個單位而且很多住客是長者，貴署之前的建議實在不能讓街坊接受，敬希貴署不要用同一建議答覆本人

希望貴署職員能盡快回覆本人和作出行動，謝謝！

Chuen

1# sam9035

交代清楚利落，辛苦哂。

vwvw

我之前都試過去信提出類似要求,
運輸署嗌我行落斧山道咪大把選擇lor!
又話轉上瓊東街會延長行車時間,
影響服務質素云云……

佢不如嗌我直接行落地鐵站,咁就港九新界都去到啦!

Chuen

3# vwvw

早晨。
向政府爭取通常都是漫長的，急不來。而家你地起碼有幾個知音人啦。
討論區哩度有唔同意見都係正常既，因為唔係所有居民都會有相同程度需要，
視野亦唔一致，所以唔容易有統一既結論。
但係如果我地願意修正一些觀點，或者能包羅更多街坊，縮短彼此距離。

我支持樓主這封信。感覺上，那裏有一些店鋪能迎合長者的需要(例如藥材店)，又有街市滿足好多街坊日常需求。家庭主婦平日照顧孩子及家務勞動亦不輕鬆，若運輸處能安排19/M其中一部，於某一時段停站嘉峰台，亦是利民措施。慈雲山仍然保留一些舊社區式的店鋪，比現代形式超市及便利店，應該更能照顧長者的購物習慣。

有得好可能有失。入來的車多了，空氣質素自必然下降，我認為爭取改善交通的街坊係需要有更高層次的理由去說服其他街坊。從反方向去想，目前的交通若真的有所缺失，則意味著某些社群可能正承受著某種困難。
我唔係主婦/長者(都就快係架勒，因為長氣{:2_50:} )，其實冇乜資格代佢地講野，亦唔知佢地係咪真係有咁既實質需要。以往甚少介入這個題材的討論，鬼死咁忙，大把野要應付，有同冇對我又唔係好重要。亦多少因為我都唔係好想多左好多車駛入黎。

但係我見到讚成同反對聲音大有相持不下之勢，而雙方觀點似乎已經一清二楚，唔再推陳出新。咁樣似乎唔會有「視界融合」既可能性。所以勉強思考一下，強作解人，拋磚引玉，希望大家唔好怪我多口。

sam9035

我之前都試過去信提出類似要求,
運輸署嗌我行落斧山道咪大把選擇lor!
又話轉上瓊東街會延長行車時間,
影響服務質素云云……

佢不如嗌我直接行落地鐵站,咁就港九新界都去到啦!
vwvw 發表於 2009-2-17 08:56

只好盡力做吧，結果是無法預計。

hin402

1# sam9035

其實我支持咁做!

上落都可以去到慈雲山的話多好多其他接駁車(九巴)去好多地方...

晌旺角返屋企都多3c 去一去買餸後再返屋企哩!

sam9035

3# vwvw

早晨。
向政府爭取通常都是漫長的，急不來。而家你地起碼有幾個知音人啦。
討論區哩度有唔同意見都係正常既，因為唔係所有居民都會有相同程度需要，
視野亦唔一致，所以唔容易有統一既結論。
但係如 ...
Chuen 發表於 2009-2-17 09:42

Exactly!交通和買嘢極不方便，我老媽子七十幾歲又有腳疾，但又要餐餐煮唔喜歡出街食同外賣返來，尤於富山村街市是荒廢的，她想買啲新鮮餸和睇中醫等等唯有去慈雲山好運街市，但去和回程又成日都未必等一架就上到車，極不方便，我力勸老媽子去黃大仙中心街市買餸但她還是喜歡慈雲山街市或有時去土瓜灣街市，腳痛亦堅持去，已一年有多了，我知有些事是我什樣勸也徒勞無功，但事實是她的腳疾比未搬來時嚴重，我自己對這屋苑的商場或交通發展已沒太大奢求，因我知道很多做開荒牛的地區隨時花上10年8年時間才會變得成熟；有一點想大家知，在平台晨運的高齡長者對住嘉峰臺已經怨聲載道，這是我亞媽講的。

Chuen

7# sam9035

多謝閣下補充。
我覺得將來業委會真係要認真做個調查，睇睇長者有乜野需要。據我從前的工作經驗，交通對她們來說是其中一個最大的難題。

而家真係好勒，原來軒SIR都支持設站來往慈雲山的，咁我地既視界已開始融合。

ryan

7# sam9035

你媽咪會鍾意幾多點上慈雲山?
如果搭好運車2.30pm以後既班次
早十分鐘落到去就ok了 , 基本上都實會上到車
回程時可能麻煩d , 要等多過一班車  , 不過上面都叫做有十幾個座位俾人坐下

我亞爸亞媽都一樣 , 鍾意去慈雲山 或者土瓜灣買餸 , 蔩大仙街市 , 入面冇乜野買 , 又唔多新鮮 , 到去都唔想買

dillei

1# sam9035

絕對支持!