最近未中過新股,黎緊亞里爸爸唔知抽唔抽好....

對唔住，請容許我離題。

有冇街坊可以講下投資股票之道？尤其是係股神巴菲特嘅理論。

巴菲特嘅理論? 我唔識呀.... 可唔可以賜教一下

朋友介紹左兩本書：
1. 《巴菲特的 8 堂投資課》，劉建位，北京：民主與建設出版社，2005
2. 《證券分析實踐──從香港經驗認識國企前景》，林森池，香港：天地圖書，2006修訂版

睇緊，覺得唔錯，但係我本身冇金融財務學嘅訓練，想睇下有冇街坊肯指點下。

咁你有無買開股票? 或者做開其他投資?

依家冇，正準備當中，所以好用心機咁日日刨書、睇報紙、上網搵資料，搞到好攰。

早年都有買下股仔..放下櫃筒底..

但係家下咁既境況..

我覺得用賭場黎形容會比較貼切..

我就係唔鍾意賭.....

以我嘅粗淺理解，巴菲特教人唔好博短期利潤，而係選擇適合長綫投資嘅「千里馬」，以複息累積所得戰勝短期賭博所失。係要搜集資料，要識計數，要在行，仲要好有自制力，先至可以運用嘅學問。

如果你一直未有買股票既經驗既話,我會建議你唔好買,由其是現貨市場,因為太過水漲船高,大起大落.無經驗同心理準備既話,可能會有好不愉快既後果. 千萬唔好見人講就買,始終3萬點可能都反映晒未來幾年既經濟(有可能高估左添),如果真係想嘗試下,抽下d有實績既新股都可以既.就算唔中最多輸少少,同埋最好唔好買衍生工具,心理壓力會好大,總之無經驗就只投資不投機啦,不過買股票始終睇心理既,心理質素好既,最終會有好既回報----只係我個人意見.覺得唔啱可以不理.

講得好啱喎,不過佢低估左隻 857.

有樣野就係股價建基於公司既前景,唔識分析前景就唯有比較佢既PROFIT,無PROFIT去支持既股價,就好似泡沫咁...唔會企得穩,買左呢d股就好難安心,因為等如企係泡沫上面,呢個時候我就會停手....

但係好多股..都做佐未來人........咁仲點睇佢個價值係乜?

價值投資法基本選擇現價比公司前境低既股票(即係平價貨)...從而晌數十年既公司升值取利.."補充: 當中會有機會個價值比預期高既時候就係沽出既時候, 即係d 街坊講既太貴喇"

但係而家就連hsbc 都經常比人舞高舞低既情況..好難睇得通..以新手投資者黎講..

而家個巿...就係太多唔知死既新手放手掉錢入去, 個價值同巿況唔成正比..先會好似過山車咁..

巿況有乜風吹草動, 真係可以跌好多...因為d 羊群去到一個位會有恐慌性既行為.....到時真係多多都跌得起...

[ 本帖最後由 hin402 於 2007-10-23 05:55 PM 編輯 ]

哩個唔係唯一嘅例子，佢都有講過好多失算嘅投資，有少數仲係蝕到渣到冇得淨。佢會檢討架勒。

對巴菲特嚟講 (以我粗淺嘅理解)，佢睇重企業嘅內在價值多於短期盈利前景。因為長期盈利能力先至係企業股價跑嬴大市嘅依據。所以佢最鍾意可口可樂。佢認為可樂嘅優勢係建基於：

-- 在巿場上一枝獨秀，競爭者冇乜威脅
-- 優秀管理層，維持競爭能力
-- 成功開拓國外巿場，令產品全球化
-- 聲譽優良，廣受巿場接納
-- 企業運作唔複雜，容易受到監管

應該仲有幾項，唔記得喇......

所以佢永遠唔投資科技股。

[ 本帖最後由 Chuen 於 2007-10-23 06:09 PM 編輯 ]

我老公有打算抽喎....好似幾好喎~