我記得之前好似有個banner話成功爭取到有5P,究竟向邊度有得撘架?

d banner 成功爭取5號添......................

點知彩虹d人反對後....即變除晒落黎.......

5P 係之後既事黎,我記得有條議員掛張相出黎話有5P來取代失落左既5號巴士,但而家又無左影 ....只係照顧彩虹d人,唔理我地需要....弱勢社群

會唔會因為我地D票唔夠多掛?

搵過胡志偉了解事件。佢俾左幾份文件我，原來運輸署同九巴都同意203E同5號交換總站的建議，有正式書面回覆。但係彩虹方面有一個「彩虹之友」既團體反對，認為彩虹既老人家難上車，又冇位坐。哩個彩虹之友據聞同民建聯關係密切。胡志偉認為現階段就只差區議會一關，只要區議會重開，好快就會有投票結果。其實哩個議題已經提左上區議會議事程序，不過因為流左會，所以要等下一屆。

如無意外，小弟覺得哩單野唔係咁易擺得平，唔知平日唔方便開會果班街坊有冇興趣跟進？小弟攞 d 文件出嚟同各位一齊研究下。

Hope we could at least have Extra Bus on Rush hour....if they can't move the terminal......

我傾向胡志偉的方案, 即 5號與203e 對掉巴士總站, 原因如下:

1. 現時 5號不上富山, 203e 不落彩虹, 互換總站之後, 富山區居民可搭5號, 彩虹居民雖然要中途上車, 但係佢地多番條203e
2. 巴士公司已答應增加等別班次從彩虹開出, 方便彩虹村居民
3. 現時彩虹居民有較多交通路綫可供選擇, 落地鐵站亦方便, 相對而言, 富山哩邊既居民好需要條 5號綫

所以我傾向同胡志偉一齊爭取

同意!!我都係覺得係最好既方法.彩虹之友話5號轉總站,佢地d老人家難上車又冇位坐,我地富山呢邊都有老人家啦,我地d老人家連車都無得坐仲慘啦.仲有如果老人家上車,多數年青既人都會讓坐,況且有幾多老人家日日在繁忙時間有需要出尖沙咀呢,彩虹之友有無計過呢? 相反203e可以去佐敦,個便又近醫院,健康院等,會唔會啱老人家多d呢?我覺得彩虹之友只係用老人家無位坐為藉口.

多謝你支持, 希望多 d 街坊表態, 如果大家都同意, 我地就聯絡胡志偉

____________________________________________________________________
110% support

其實如果我講..203E個站位....原本跟本就係冇位放先放晌果度...............落佐去又上返黎先出旺角...................

返黎又落佐去先上返黎返站...............

每日都在浪費气油

絕對支持呀 !!

其實大家都有車搭咪幾好, 而家彩虹就有, 我地就冇
點解要反對?

我會再聯絡胡志偉，睇下有冇新發展，再向各位匯報。