留下電梯口原全冇CHECK 証, 一大班人塞住個門口..

4號LIFT 邊D 地鋪,被民工霸佔

4號LIFT 你比佢睇佢就話唔該, 唔比証佢睇都比你照入..

1號LIFT 我冇乜用唔係好清楚

跟埋收樓人士上樓, 無法無天得咁緊要

有冇搞錯呀!

唔係漏洞啦, 直頭係冇保安啦

仲話乜改善?! 仲差過第一期果陣!!!

[ 本帖最後由 hin402 於 2007-11-11 01:34 PM 編輯 ]

要投訴影響居住環境及生活質數, 應吸收第一期的經驗, 在第二期時改善架麻! 要月做月好才是呢!

敢講最少地下保得差唔在講..

座頭比佢地走上樓? ..有冇搞錯呀??

地下你話唔認得都係衰架喇..

座頭, 家下先得幾廿個客仔係住客..你唔認得D 住客都認得D 生意佬丫...

完全係中門大開式.放晒D 裝修佬入黎..

係呀, d裝修佬好煩, 貼張好舊嘅訪客貼紙就直行直過, 然後就一齊上樓

起初以為真係訪客, 又唔見佢按lift層數, 跟住上我地果層得我收咗key, 我又唔識佢, 原來又係裝修佬, 好煩呀!!

張訪客label都殘成咁啦, d保安有乜理由唔理就放佢入嚟架

唉... 如大家所料, 第二期問題又出現~

我唸第一期之街坊自己都要小心D出入.留意下D陌生人.
另外,可否騰空小巴站那邊之電梯只供第二期之CF用.
所有CF之活動範圍盡量控制於
1)小巴站電梯,
2)第一座,
3)第一座與第五座之行人路及
4)第五座
如似控制賣樓時D人去示範單位之路線.
面其他地方加強D保安去行,將D陌生人趕一趕.
吾知可吾可行?

唔記得提下街坊,
我收樓時, 當我行出管理處時, 有一個男人同我一齊行, 我唔知佢係邊過, 但我見同行的管理處職員無表示,
重以為係維修人員, 一齊上樓檢查, 個男人一直都無出個聲, 跟我抄水錶, 抄電錶, 再跟我入屋,
同我開大制, 又教我點開, 跟住叫我 check 下d 鋁窗, 然後就問我姓名, 跟住叫我留電話, 睇下點裝修,
個陣時我先知佢係裝修cf , 我死都唔俾電話同個名, 費事麻煩.

如果收樓時有人跟住你, 你應向管理處職員查正或表明立場.

星期六傍晚6點幾, 有人大力推我屋企門, 我以為大佬返黎吃飯, 諗住去開門啦, 點知係防盜眼見到有兩個帶cap帽男人, 帶住一班人轉頭走, 由於我屋企無裝鐵閘, 裝修公司以為係未入伙, 諗住推門睇示範單位, 我屋企人叫我唔好多事, 所以無追出去, 但係2/3/4座都差不多入晒伙, 點解樓下座頭可以任人出入.
我找不到座頭電話, 所以無即時投訴, 不過真係覺得推門班人好過份, 可以巡樓睇示範單位.

真係有裝修臥底? 真要小心!

好過份喎!要投訴管理處知.

真係有問題, 可向管理員報告, 避免再發生同類事件.

嘉峰臺住戶門真有人情味, 多謝各位關心, 我當天找傳兄問座頭電話時, 他說他會與管理處講呢個事件.  在此也請各住戶小心門戶.

咁係唔係即係將保安責任交番比住戶自己呢!

終於開始了！
二期裝修大行動，大家真係要小心門戶！
出入都要睇睇有沒有跟住您！
D裝修師傅真係無所不用其技，睇到上面的帖子真係好驚！
都要叫屋企個老人家小心D！

上星期，我都見到四座樓下的保安，
截住一班人上樓，大約五、六個有老有嫩，
個班人隨便說一個單位地址，話做維修，
好彩個保安醒目，
話個單位一早裝修完，入左伙，問貴姓，
係咪業主係上面等佢地，
又問仲乜咁大班人做維修，
率之無比佢地上樓。

一睇就知係帶人上去睇示範單位.....
所以大家都要提高警愓！

雷生今日出左去開會，聽日再搵佢。