有見朋友現住將軍澳廣明苑，保安公司列出了晚間增值服務，當有夜歸之女仕，致電保安室，說明於幾時(時間)會到達屋苑外巴士站，保安員便準時到巴士站負責接送！
有見及此，想問吓，我們可否要求，時間當然是沒有專線小巴直到嘉峰臺後，會有類似之增值服務？因此可更有效保障需經常夜歸【嘉峰臺】之女仕，(例如需輪班)！希望大家比D意見！

可以的話就最好, 由巴士站行入屋苑條路都有些暗位, 不過嘉峰臺最近的巴士站唔算近, 保安要好遠先到達.

呢個提議都好呢,
但我想希望他們先盡好自己的本份~~~

幾位既諗法都有道理. 條路幾暗下, 一個人夜歸係有 d 風險. 條路唔算好長, 二三分鐘既時間, 不過 order 多果陣會可能會有些少問題. 唉! 要哩度 d 保安做好本分真係 mission impossible, 我已經半放棄. 既然係咁, 不如睇下佢地有冇野可以做得更好, 更有意義啦. 接夜歸女士係一個好提議, 條路真係好靜. meiki 妹妹仔好似係夜鬼嚟喎, 妳唔驚咩? 實係有人送喇!

唔係攪咁多野啦. 陣間唔夠人手連門口都無人看.....

根本差別唔大, 好多保安都唔 check 住戶證, 係人都入到嚟

我會送我自己返屋企，放心放心~~~呵呵

點解人哋屋苑得，而我哋又吾得？我再攞多D資料再報過！

冇人斬釘截鐵話唔得，大家不過係想睇下資源點運用啫。你都知依家屋苑既保安的確係有好多未能令人滿意既地方啦。

我知道海麗村(荔枝角公屋)有此服務,送亱歸女士返回住所.

Good idea!!

如夜歸人士, 我諗佢自己應該顧到自己本身安全問題, 如今屋苑保安在人手及資源有限期間, 如須有此服務,管理公司及保安公司亦會因此提出增加費用...我覺得呢個問題可以留待下一次開會時作出提問, thanks...

唉...唔好講增值丫, 而家連保安人手都唔夠,佢地又點會搞呢樣呢?
保安人手夠時但佢地基本經驗同智識又唔夠喎!  真係有d激死!

每晚放工返到嚟, 都係發覺地下保安叔叔, 姐姐都會個別無CHECK住戶證,係唔係要做到MARK-DOWN時間, 地點及人物提供吡管理處及香港警衛做紀錄, 真係你又你講, 佢又佢做, 好激氣呀...

唔使等夜晚，現在繁忙的日間，都係一樣！
這幾天日間出出入入，
小巴站附近的警衛姐姐，仍然比D無出示任何證件的人直入，
直入的人只需與她們嬉笑兩聲，
或問一句食左飯未，就可以直入！
但我見到，這樣直入的人，
係去五座方向，
並且一出電梯就點煙！
您話呢D係住戶定係裝修人呢？

唉！真係好難做了！