日期: 22/11/2007 (星期四)
時間:晚上8.00正
地點:嘉峰臺收樓處

出席人士有:hin, chuen, henyon, melody, ryan, meikimeiki, 梁太, emily, scarlet, rocky 共十人

在此感謝各位抽空出席今次會議
同時對於三位二期既新街坊表示歡迎!

地下保安人員工作表現 (香港警衛)

1, 於十一月二十日管理處派發保安通告後，有居民依然無需檢查証件亦可進入本屋苑，甚至保安人員主動hold lift讓居民進入，放棄查証機會。
2, 部份裝修師傅身上沒有貼上登記貼紙，依然可以在屋苑範圍內隨處走動。
3, 有保安人員於地面4號電梯對出之保安臺內吸煙，工作操守欠佳。
4, 有居民目睹裝修工人從四號電梯推著車仔離開，該住戶立即向身旁的保安提出詢問，裝修工人何解可以使用四號電梯運送貨物，但保安人員卻聲稱沒有看 見，視若無睹！

各座大堂保安人員工作表現 (富城)

5, 二座及四座夜間保安表現較差，亦經常主動開門給住戶，保安意識不足。
6, 四座日間保安除萍組外，其他都表現欠佳。
7, 二座曾有信箱遭人刻意破壞，並將信箱內之信件拆開，情況令人擔憂！
8, 據一名二期業主親身經歷，曾於本月初下午六至七時到達嘉峰臺, 可直達二座中層，期間沒有任何保安查証或辦理登記手續。

[ 本帖最後由 ryan 於 2007-11-27 09:31 AM 編輯 ]

其他事項

9,  二座其中一架電梯內之閉路電視影像模糊。
10, 居民關注停車場內有沒有安裝閉路電視以及安排保安員巡邏？屋苑內之閉路電視，是否可以番查紀錄？有沒有當值人員一直監視？
11, 一、五座裝修高峰期在即，香港警衛及富城有何準備？
12, 擔心車仔檔再次於平台隨處擺賣，居民強烈要求富城不可讓此事再度重現。
13, 曾有裝修判頭跟隨新業主上樓推銷裝修，各位新業主需加以防範，必要時可通知管理處尋求協助。
14, 曾有裝修判頭誤撞四座某民居當作示範單位，做成滋擾。居民表示強烈關注，即使業主同意，也不可再將二至四座任何單位，當作示範單位任由參觀。避免以上事件再度發生
15, 晚間深夜時份，於二座及三座平台之間，經常有數個青年聚集、食煙及發出聲浪，對居民做成滋擾，請管理處加以注視此事！

[ 本帖最後由 ryan 於 2007-11-27 09:33 AM 編輯 ]

各位有出席既街坊，如果發覺有任何錯漏 , 可以作出任何修改 , 謝謝!

嘩.....乜你咁夜呀!  辛苦晒!
寫得咁好, 點會有漏呢....

要比十個叻你先得喇~~

ryan 好野！

明晚開會，呼籲各位街坊參與。謝謝。

傳兄 : 留番個位吡我, 唔該哂...

其實有d 保安真係不太認真, 我是一座的,在地下的入口, 好多時沒有人坐在裡面的保安位, 出面又得一丁人看住兩個入口(即上平台及一座地下入口),另一個人行左去老遠咁,前晚11:00pm及昨晚9:30pm 又是了, 本來一座在地下直上好方便, 但現在就多了一個不安全的門口, 很擔心

今日去嘉峰台G/F出lift，又見到嗰個阿叔(次次都會撞到佢)，追住問揾左人裝修未？報多個價比你參考吖！座頭保安姐姐亦聽得好清楚，完全冇反應！
老公話咁都得？我話算啦，工一份啫，可能她驚比人打.......
收樓時在lift內曾接過佢咭片，記憶好像係x興裝修公司，佢做到好似係HA嘅御用承辦商咁.....

據聞佢地搵唔夠生意，好多人唔肯幫襯，我估佢地可能越來越狼。以下係 momokeung 既見聞：

「樓下班sales已經變成一班爛鬼啦,曾經同lift時有位cf 呻話生意唔夠,唔知點解d業主唔揾佢地做喎,我心諗您班人渣屈得就屈,識上綱睇料既都唔揾您哋啦,大家睇落去啦,呢班人渣遲早發窮惡睇吓到時點玩嘅啫,前日我就親眼睇到 d sales 因保安阻止佢地入大堂就俾佢哋"兇",無計啦保安打份工佢哋又人多勢眾,我諗係要搞單大煲粥出嚟等差人掃場先可平息,...」

詳見 http://www.kingsfordclub.com/thread-2458-1-1.html

我今日係在4:00pm左右在block 1 G/F出lift，今日在座頭保安櫃位旁，上次在出玻璃門後比佢跟住，我相信都要2月後裝修得77、88先至消失la，我可能可以在嘉峰台過農曆年，洗唔洗派利是比佢呢？ha ha........
收樓嗰日直頭襟鍾派單張添！

相信佢地好有可能變本加厲，二期街坊有排煩。

我每晚也見到一架貨車（ＧＲ５３６？）停在一座樓下ＳＨＯＷ鐵閘鋁窗，好似御准的，阻住出入口視線，但Ｄ管理員又唔理，真是吹．．．．．．

還有今日５：００左右，我剛好上自己單位看看，亦發覺有２位裝修佬入咗１座內的保安崗位附近和保安亞姐吹水，我行過時也眼望望，想問我嘢，但可能我直行直過，所以最後也沒有

相信我地一定要齊心，打電話俾Ｄ壓力雷經理跟進 ，我明天就打，希望大家也齊齊支持，改善下我地居住的安全

二期街坊真係時候現身說法。