樓下檔口果D，長期做，都唔會做衰自己招牌，揾間有舊鋪嘅，其實都OK嘅。不過我地第一批收樓，佢地未做到識飛。到第二批第三批收樓，佢地又平又快冇得頂，可似考慮。真係早收樓冇乜so....。

我就唔同意羅！
我以前間公屋就係搵呢d！舊換新型公屋，
樓下好多呢d裝修，又係長期、又係有鋪，
但我間屋一年半後就勁多問題出現，
叫佢地上黎整又推生推四，好不負責任！
加上牆身起pop、入牆櫃出現裂痕、一幅牆發晦......
好慘！
大家好自為之！

What will you do this time? I mean for your new house in Kingsford Terrace.

自己搵相熟的裝修師傅，
廚櫃及傢私獨立再搵公司做！
不會一次過搵設計公司，因為我沒有錢.....嘻嘻！

咁黑仔？

樓下d鋪真係ok嗎, 我成日覺得呢d適合唔想煩, 又唔想用咁多$$$去裝修既人
先會搵佢地

其實可似嘅，一定好平，揾個有經驗既人陪你去問下(揾間有舊鋪嘅)，有冇料，問下就知啦！

c 兄係咪講樓下放路邊果 d 枱仔呀 ?
我就怕怕地
佢地做完都唔知去左邊
有起事黎都唔知搵邊個跟
都係去附近 d 鋪頭睇下個人會覺得安全 d

各位,

地下外圍有不少裝修公司 , 他們無所不用 "奇" 技 的推銷 !
1. 自稱是 "房署" 指定承辦商 , 其實 , 嘉峰臺是無 " 指定" 房署承辦商
2. 將承辦到的單位 變成 "示範" 單位 , 在業主不知情的情況下 , 擅自帶街外人到 "示範" 單位參觀.

所以 , 不要光顧地下之裝修公司 , 一方面裝修無保證 , 另一方面 , 自已單位可能變成 其他業主的 " 示範" 單位 . 被不知明的外人進入 , 被他們評頭品足了.

變成 "示範" 單位？ .........我地第一批收樓無得走.........唔好話樓下啦........任何一間公司都會攞嚟做"示範" 單位...DIY就唔會....總之"平"就樓下，行iso....都唔包滿意......總之小心D啦。

任何一間公司都會攞嚟做"示範" 單位... <<< 自己相熟既師父就應該唔會
同埋如果有d退左休既長者 , 可以得閒走上去睇下佢地既進度 , 我諗應該問題不大既

樓下的裝修.....我就有點驚驚！
我以前間公屋，三年前換，新裝修！
又係樓下的承建商，咩屋署承辦、又有示範單位睇等等....
但手工真係好麻麻！
一年半開始出現問題，
牆身起pop、發晦，
入牆走廊櫃有裂紋，
牆身有d位又係又裂紋！
call番個裝修既，
又話無得攪，又話要整要全屋拆等等....
咪率之由佢，好衰好乞人憎！
雖然價錢係好平，三萬全包！不過，大家自己諗下啦！
唉！

嘩！好激動... ....D裝修佬尾期你都係扣佢10%一個月......過成年先出事..可能用料問題.....

今日得閒走去再睇睇
俾樓下個裝修佬拉左去枱仔到傾
頂佢個 x
又乜都話得 , 又似爛仔
最慘係問佢公司係邊
有間係觀塘 , 深水埗....
有起事黎唔通要咁遠去佢地公司搵人 ?

我都覺得樓下果d唔多穩陣, 我都係o係沙田搵設計公司搞裝修同室內設計