香港飲食文化為東方文化及西方文化的交匯所在，發展出了一個揉合中國菜（主要為粵菜）和西餐的飲食習慣，因而被譽為「美食天堂」。作為全球各地人們的匯聚點，日、韓、台灣、越南、泰、印度等餐廳於香港均十分常見。但亦有不少外國人都指，雖然在香港可以品嘗到世界各地的美食，這些在美食其實都已經為了遷就香港人的飲食習慣而變了質，從而變得不夠地道。從另一種角度看，這些外來飲食文化亦豐富了香港本地飲食文化。

(1) 有傳統中式飲食,如:本地菜,外江菜
   
(2) 有外來飲食文化 ,如:酒吧及餐廳, 快餐店, 茶餐廳文化, 潮流飲食

而我最愛是潮流飲食文化, 有一段時期,好興食伊X家的芝士蛋糕, 要排長龍先買到架, 你們有無經歷過D個年代呢?

不如大家一齊分享一下所有既飲食文化呀.

我都去過旺角排伊X家的芝士蛋糕, 等成10分鐘呀

仲有無人記得曾幾何時土瓜灣有條日本橫街呀? 果度有間日本餐廳晚晚排長龍... 好似叫'加x賀'. 而家, 執左啦, 輪到板x壽司...

[ 本帖最後由 Sara 於 2008-3-26 01:34 PM 編輯 ]

仲有好多經典野,如珍珠奶茶&沙冰,以前由台灣傳過來,一時無兩風靡至今

仲有萵夫, 葡撻, 日本生果班戟, 不過最恆久不变的小食此終係咖哩魚蛋, 仲有果啲染到紅噹噹的雞腳等等, 回味無窮...

雞蛋仔!!!

仲有唔同味道嘅格仔餅

d味勁厲害, 勁臭嘅臭豆腐~遠在外地嘅親戚都叫外賣, d味勁到呀 , 真係香港極品

同意, 仲一定吾少得牛什,魚肉碗仔翅, 粉果同燒賣, 一條街一次過掃o西. 係黃大仙新x酒樓果邊, 咪有齊o西, 成日行過心思思都想買架.

不如一齊都分享下香港既懷舊美食呀.... 記得細個見倒街邊成日有個婆婆羅住個水桶, 入面裝滿o西一隻二隻彩色膠蛋, 係咩呢?  大菜糕. 果時成日比佢吸引, 但係ceo吾比買黎食...

o甘有咩野食係你細路仔既時候最鐘意架呢??

大菜糕膠蛋,小學時期成日食架,仲有以前是用個袋裝汽水飲,因免按樽,你地試過未? 仲有炸魚旦,是白色的魚旦,不是一串串,是一小袋賣的, 好似是$1-2一袋,加甜將食果d,現在好少有得賣架啦!好好味架!

你講果d... 全部都未食過呀... 細個ceo吾比零用錢, 所以無錢買野食架... 最多係體育堂係小賣部買支維他奶飲下咋...

仲記吾記得有隻叫'筷子糖'既物體??

'筷子糖'知,我最為食架啦, $0.2一條,小學成日食架啦,有好多隻味不同color架麻! 奶嘴糖,你又食過未?

仲有：
飛機覽
啄啄糖
面粉公仔、糖膠公仔
白糖糕
街邊夾餅、朱腸粉等等

好回味啊！

細路仔時最恨食就係朱古力，係放係一個大玻璃瓶內，散賣的。

係咪眼鏡果隻??