經過好耐的觀察，早上出門在1座門外保安崗位，下班回來在小巴站既保安崗位，在座p層大堂保安崗位所見，但凡有兩個以上保安員在一起既時候，9成9都係在傾計，不知道保安小 組幾時再同管理處開會，反映下情況，請佢地改善下。

位崗時無野做傾下閒計好平常而已.我們又不是豪宅區,只是居屋而已.我覺得大原則是他們要緊守崗位,有客check証,有事要積極跟進,但一般長時間工作閒聊一刻可接受,除非因為他們傾計而發現疏於職守

以平常心而言，無野做傾兩句係可以接受，但係好多時我見到係佢地傾得好投入，昨晚十點幾，車場閘口外有2個保安大哥，其中一個仲揸住包紙包飲品一邊飲一邊傾，我個人要求唔係太嚴謹，但係都唔好太過散漫。

反映下，係想管理處知道有問題，作為一般質素既保安，你管得鬆，佢地就越來越鬆，人性係咁，唔好以為佢地會好自律，當然，有些保安係好好的。等有事發生再去檢討漏洞，才去執行紀律就太遲了。

我 果 座 個 保 安 呀 姐 仲 過 隱 , 佢 好 似 唔 知 道 做 保安 員 ? 職 責 係 保 衛 居 民 免 受 滋 擾 及認 真 處 理 及 跟 進 投 訴 , 佢可 能 認 艿 攪 到 自 己 好 似 公 關 戌 日同 D 住 客 傾 計 搞 好 D 關 係, 住 客 就 會 唔 好 意 思 作 出 投 訴 , 忽 略 左 佢 自 己 真正 既 職 責 , 唉 !

近兩日出出入入既觀察，有明顯改善。

如果管理員可以傾計,警察都可以去打機 la,我地嘉峰臺管理員出哂名,吹水多過做野!!!!!  唔係豪宅先至要管理嚴,管理公司是要有水平同要求的!!!!

其實傾計，我個人就唔覺得有大問題，最緊要係有做野，警察巡邏都會傾計啦，可況警衛12個鐘，我地包容下啦！

現在咁多位都話傾計有問題,你(天下無敵)又話唔覺得有大問題,現在不是包唔包容的問題,而是紀律呀!你識唔識呀?又傾計又點做野呀!請問?

That's good!
有改善就最好啦!

我都同意無野做傾兩句係可以接受,最重要係observe"唔影響工作"既大原則,
傾到唔識停,唔去check証or 粗言穢語咁就係"紀律問題"。

將心比己,我地係office返工咪一樣會耐唔耐吹兩咀,點會冇句癈話呢?
但我又唔覺得咁樣係做唔到野or 紀律問題囉,
傾兩句jee, 又唔係小學生!

以我經驗+觀察, 保安表現大致可以, e.g. 走廊發現可疑人物, 一call保安佢就到, 爭lift大鬧場面佢鎮得住,

裝修工人送貨大隻佬佢話得聽, These are the main point.  至於傾計問題, 未免小題大作了.

我唔係話無問題，我係本住平常心去睇件事，如果只係顧住傾計唔做野，我相信無一個老板可以接受，但只係講一兩句而無影響工作的話，我相信大多數人都可以接受，我相信大家都試過在工作過程中傾計，咁點解要寬己律人呢，我強調這是我個人認為，大家可以唔認同。