其實我都覺得好大陣味.....我之前住ge大廈都無咁大陣味.....

係囉, 都唔明點解管理處死都要用 LIFT 嚟運垃圾,
根本咁樣係令到住客不便及影響環境衛生.

其實, 本人都同管理處反映過此問題, 並得到一個極之無稽的回覆.
管理處話唔想整污糟條垃圾槽, 因為好難清潔條垃圾槽, 及令垃圾槽周邊的單位很臭喎.

請問大家有冇聽過喺馬桶大便,
驚住會整污槽條屎渠, 又驚好難清潔條屎渠內壁, 及令屎渠周邊的單位很臭,
因而要找夜香工人經 LIFT 同大堂倒夜香呀?

http://www.kingsfordclub.com/vie ... 3493&highlight=

可看看這問題的其中一個原因

但係我之前住果棟大廈都係用垃圾槽.......大件垃圾先用lift.....
都唔覺有咩問題.......點解卡通台唔可以用垃圾槽...

http://www.kingsfordclub.com/viewthread.php?tid=2062&highlight=


係舊年嘅開會議題.....裡面有提及垃圾槽問題

3. 據管理處過往經驗，以垃圾糟輸送垃圾將構成以下問題：a. 糟內難免積聚垃圾，引致昆蟲為患；b. 部份低層住戶將受嘈音滋擾；c. 大堂冷氣的散熱裝置位於垃圾房內，高溫極可能令垃圾房的衞生惡化，並產生惡臭，最後必對低層住戶構成滋擾；d. 在垃圾糟棄置煙蒂可能引致火警。(以下由軒sir 補充)當第一界業主會成立後，同時新的清潔合約會招標，到時再考慮是否用較高的價錢請垃圾車上平台收垃圾，以減少4號 lift 用作運垃圾(食環處的垃圾車是不會到非指定的位置收垃圾，目前指定位置在4號 lift 旁邊，即是停車場第一個閘右邊)；

即係基本上.....要等

咁設計條垃圾槽要嚟做咩, 唔通留翻用嚟做走火通道呀?
難道依家用大廈 lift 嚟運垃圾就唔滋擾居民咩!
部 lift 載完垃圾又用嚟載人, 咪仲唔衛生, 都唔知 d 人點諗野架!
"明明自己屋企有厠所唔用, 係都要忍住落街搵公厠柯屎!"

其實如果驚垃圾槽內滋生昆蟲, 咪勤 d 清潔及消毒囉,
冇理由斬腳趾避沙蟲格!

[ 本帖最後由 kingsford 於 2008-5-27 01:34 PM 編輯 ]

同意,

用客lift運垃圾簡直係一個大問題. 我覺得垃圾槽係比較好的.

1) 垃圾槽難清潔, 運完垃圾的客lift又有人清潔嗎? 垃圾槽可定期做大清潔, 客lift就日日比垃圾污染, 日日住客都要對住.
2) 運垃圾會佔用部lift超過一小時
3) 垃圾槽火警=有人放火, 平台花園可以放火, 走廊可以, 後梯可以, 你家門口可以, 唔通以上地方全部放棄? 一套自動灑水已經足夠了.
4) 每日要工人每層收垃圾, 浪費金錢時間
5) 每日工人收垃圾我都比佢嘈親, 用垃圾槽可能仲靜.
6) "大堂冷氣的散熱裝置位於垃圾房內，高溫極可能令垃圾房的衞生惡化，並產生惡臭，最後必對低層住戶構成滋擾" 呢個仲搞笑, 而家分開每層都要臭, 連lift都臭埋就無問題, 係地下'垃圾房'就唔可以臭. 而且垃圾房唔係應該有方案處理衛生問題?

如果條垃圾槽真係留返嚟做走火通道....咁我實走唔乜, 俾佢夾住

如果如會議內所講, 相信條垃圾槽嘅處理要等業主法團成立先得啦

事實上有鄰居曾提議過:        

1) 垃圾槽可用專用清潔劑處理 <------ 問題係 '錢'
2) 沿用各層垃圾桶, 由清潔工人定時將垃圾放入垃圾槽內, 可控制嘈音發生時間
3) 亦可解決避免住戶放火種/將大型垃圾/已穿的垃圾袋放於垃圾槽內, 將火災機會減低及令到垃圾槽阻塞
4) 至於抽氣問題, 可搵專家實地監察及評估, 是否有其他可行方法解決 <-------都係 '錢' 嘅問題

當然, 上述提議都係要等業主會成立及通過啦

其實用電梯運垃圾唔係問題
問題係運送上既運作同衛生問題

冇人會接受垃圾味, 尤其天氣熱, 垃圾嗅氣壎天. 細菌容易散播, 即使成本高些/更改現有裝置, 亦要長遠解決傾倒垃圾問題

用電梯已經臭氣沖天，如用垃圾槽將會怎樣呢?清潔及消毒並不像我們想像那麼簡單，清潔及消毒工作做不好可能會招鼠患。本人認為倒垃圾時間可否拖後?倒完垃圾後可否用消毒藥水把整部電梯消毒一次，還可以去臭味，是否會更好?

[ 本帖最後由 ABE 於 2008-5-27 09:48 PM 編輯 ]

同意, 或者開住個lift 門一段時間唔讓人進入 同 噴空氣清新的東西

另外, 管理處講的垃圾槽倒垃圾問題唔一定沒有道理, 如果用垃圾槽, d 垃圾車又唔係立法委員來送走d 垃圾, 加埋個冷氣的熱氣, 真係會影響衛生喎。好啦到真係用, 垃圾車黎的時間同泊車的地方又如何呢?會唔會影響到住低層的人呢(如噪音, 氣味)?同埋垃圾槽下面個垃圾房d 味又會影唔影響到低層人士呢? 如果真係對佢地有影響, 我地就只係為自己, 會唔會自私左少少....?

其實每樣野都會有利有弊, 最緊要係大家點樣去處理, 好多野都要經過不斷實踐及review先會搵到個合適方案

現階段各位不妨提出自己從前的經驗及建議 (未必係可行), 好等將來的法團有多方面作參考