聯盟從來無成立
只係安個名方便同管理處溝通
亦無任何人有任何責任俾人“串”
掉轉睇
點解唔感激有街坊無條件設立呢個平台俾大家溝通交流呢？

用什麼方法是最少影響居民，而又最衛生? 呢個係管理公司要早日提出解決方法既問題，第二期入伙都七七八八，垃圾量日漸增加，天氣又轉熱，衛生問題一觸即發。
大家都關心居住環境，唔好太勞氣。係呢個街坊自由論壇度作出熱烈而又理性既討論，對日後成立既法團，提供了好有用既意見，有助法團去督促管理公司為我地服務。

關於以前對垃圾處理既討論，可以睇下舊POST；
http://www.kingsfordclub.com/vie ... 3131&highlight=

我絕對感激有人成立呢個平台，可以俾我呢一類唔想見人既街坊發表下心聲。

我估無名聯盟的參加者都是熱心街坊, 做義工, 即使半途引退亦無可厚非, 不能話虎頭蛇尾掛!

呢個係我既感覺黎者，係看見個別人士既言論有D極端有感而發。你講得岩，半途引退係無可厚非。

我相信呢度無人願意同垃圾共用電梯
只不過明白實際運作問題後
要權衡各方面才可改變運作模式
就算新鴻基既新樓亦都係有槽用不得
不過佢地部電梯可以直達垃圾房樓層
亦都有完善既安排
滋擾性較低
相反卡通台因設計問題
無可避免地必須使用平台電梯運送至地下
用車路？咁斜咁危險…
工人出事邊個負責？
好多時物業管理唔係有人投訴就要跟投訴人意願做
都要理解一下做唔到既原因
互相體諒

做得到唔做既~
例如搬運後既清潔消毒，垃圾車不再放大堂等
呢d就一定要改善

十分認同你既講法。
係未有仔細研究而去改變現在既運垃圾方法，可能會引發其他問題。
而現在用lift去運垃圾既安排，真係要做足d功夫，要有好大改善至得。

部梯可否長期付苛巨型垃圾桶連垃圾的重量，好可能要加快更換零件．其實垃圾運送問題畐城可參考其他Ｑ嘜屋苑管理公司做法

我今晚去嘉峰台時,一出電梯就聞到臭到飛起,有冇攪錯? 又會咁臭既,當堂要閉氣先可以行過
我拉開垃圾房睇下,入面既垃圾桶已蓋上蓋,哇咁都咁臭,如果冇蓋住垃圾桶咪更加臭?
我都未入伙,my god 咁臭唔知點頂???
有垃圾槽又唔用,真係搵黎攪.攪臭哂個走廊!!!

仲有另一個問題就係d圾垃車成日排哂係平台電梯口傍, 哂冷咁,都好唔衛生.

係呀係呀,
夾道歡迎我地返屋企咁,
真係勁有氣勢!

其實都知要用平台Lift送D垃圾落地下係暫時最佳處理方法，
但係都唔駛每晚都好似列隊咁放晒響平台Lift口呀！每晚放工一上平台一開Lift門就好似列隊咁歡迎你返來咁，就算要落地下又好似被佢地"圍"，仲要係加埋惡嗅！可否落Lift前放置遠少少(如PCCW個邊)