今朝8:35返工搭Lift落地下，一出地下大堂有好多CID，有沒有人知發生左咩事???

係咪真係CID呀？通常出動CID /Team 係有行動如拉通緝犯,帶犯人回家搜屋,大單d做案件重演,如想知詳情可問座頭保安,因一般情況下(警察、消防、救傷等 )保安係要登記資料報告上級。

今朝一座個女仔十分無辜地被那個住十四樓耳塞棉花的異常青年大力打了一搥. 我們全lift人都好驚．　但無人敢出聲，直至到地下才向保安員投訴．那青年可能智力有問題，　但肯定的是他不但滋擾而是有攻擊性．　雖然警方可能會有行動，　但各位出入嘅街坊記緊要小心．

係我俾人打呀﹗
話說今日我8:15a.m. 左右等電梯返工，咁等到有電梯就入啦，當時電梯入有4 - 5 位人已經係電梯內，咁我只好企近門邊低頭按自己的手電，之後去到14樓電梯門開，有個 20 - 25歲的男仔入咗黎，當電梯門一閂，我就覺得右手肩好痛俾人打，我馬上望個男仔，個男仔就望住我自言自語，之後電梯內的其他人問我識唔識得佢(男仔)，我話唔識，到電梯一到地下，個男仔就好快咁走咗，我地幾個人正討論緊要報警，保安就行過黎問乜事，我話我俾人打，好神奇地，有個女人自認係男仔的媽，話"打人0個個係我個仔，因為個仔今朝等唔到電梯(人多，飛lift)，所以個仔一入到lift就打人"，仲話個仔有自閉症，之後我同個女人話，"你個仔有問題，你自己看住佢嘛，由得佢自由出入，亂咁打人，咁我報警"，個女人仲話"好，我都讚成，不過，佢(打人男仔)俾人捉去醫院，兩三日又可以放返出黎"，聽完女人咁講，我馬上要求保安報警....
用咗我半日時間，又去醫院驗傷，又返警局落口供，攪到返唔到工，雖然攪咗半日好煩，但我覺得應該要咁做，時間都要咁用，因為最後警察同我講，如果佢(打人男仔)真係有自閉症，警方都做唔到乜，除非有record這個人唔係第一次打人，咁警方/法律上，先可以將呢個人(打人男仔)交去醫院，等醫院評估呢個人係咪需要長期監管，唔俾佢自由咁係公眾地方出入，所以，我都建議大家，如果俾佢(自閉男)打，就馬上報警，唔好怕麻煩，因為唔知幾時佢(自閉男)會攞刀傷人，1座居民小心小心﹗

同情你既遭遇, 我估你講既果個男仔好多一座街坊都知佢係邊個... 不過之前好似無人話過佢打人, 只係自言自語, 搭車吾排隊o甘...

最驚係佢打親O的小朋友同老人家點算?O個個時候好多人返工返學，好容易出事。

25/5晚8時見到佢在回家路上，經過黃大仙中心外的樓梯口旁(渠盖)上公開小便，佢唔係細啦！
當時都人來人往，如果佢懂得自己出入搭車，佢家人是否應該教育吓佢守規矩，
什麼是不可以做.......

很同情妳遭遇，我出門口時見妳在落口供，希望不會影響心情吧，Forget it !

好敬佩你的正義，花了許多時間挺身指証！
我覺得最有問題係佢阿媽！唔去好好照顧幫助佢，1d愛心都冇....
好在不是同佢同1層樓，如再有事情發生，大家都不要怕麻頫！
佢早上沒有搭79m，大概行去地鉄站吧。

到底重要再打幾多個先可以拉佢呀，　我好多時都見到佢，　每次搭電梯都好驚，如果隻眼被佢打親，　可能會盲架
　

但我覺得其實個亞媽都好慘，我諗佢其實也心力交碎，不過始終不是第一身，唔知個亞媽講嗰時嘅態度同語氣，我只係以一個為人父母心態覺得佢好慘。

你嘅做法好正面及好值得各街坊參考, 不過估唔到真係發生動粗事件
相信該母親已經唔係第一次面對此局面, 才會有此應對, 該青年亦唔瘦弱, 身為母親的已經唔可以當青年是小朋友咁拖實了.....只可多多體諒該母親的心情了
希望各街坊多加小心

最後有沒有報警?個女仔十分無辜,他有暴力傾向,各位街坊要小心,佢家人亦應該看緊佢,免危及街坊.

有呀.....請睇:
http://www.kingsfordclub.com/viewthread.php?tid=3506&highlight=

深表同情, 你好無辜.... 但都好同情佢屋企人, 無人想自己有問題..............

係呢位朋友未康復前, 大家出入小心小心.