曾經見過呢位仁兄，有一晚放工搭小巴，在黃大仙佢無落車，上到車至知佢無俾錢, 司機唔俾佢落車，全個車程見佢同個小巴司機拉拉扯扯, (仲開緊車), 到左ＫＦ佢落車時司機唔俾佢落, 佢郁手打個司機，然後一支箭咁飛左入第一座。

我見個佢係荷里回活廣場百佳,耳仔塞住綿花,佢攔住條通道,有個爸爸推住BB車,人地已經同佢講唔該借借比架BB車過,佢扮聽唔到,唔肯行開.

有一日,我搭lift都見到佢,同行有2位女士,跟住有一位女士同我一樣都係行斧山道落去搭車,點知行到去新麗果度,果個青年突然走到去果位女士面前係禁望住佢,當時果位女士好不知所措,希望各位女士出入最好有人陪同,唔係有機會比佢嚇親
雖然我地唔應該帶有色眼鏡睇弱智人仕,但如果影響到大家平時出出入入我覺得應該要處理一下

若各鄰居被那男子滋擾, 要報警等警方有記錄, 通知管理署, 因憑警方所累積下來的記錄及管理署的記錄, 該男子有可能違反大廈公契, 即對住戶構成滋擾, 影響人生安全.

多謝大家關心﹗
因為傷的係左手肩，所以都好唔方便，現在仲係好痛...
今日都要請病假去睇專科(骨科)醫生，因為昨晚都用唔到隻手攞筷子食飯，總之現在大動作就唔可以，攞野就更加唔駛諗.... ，佢的力都真係好大，事關我本身都係一個大隻頭的人，咁打落黎都咁傷，我諗如果係d瘦的女仔，婆婆同小朋友，咁就大件事，真係隻手都俾咗佢呀﹗
今朝出門口去食野，等電梯時都仲好驚，當電梯每經過14樓我都會好緊張好怕個笠門打開，唉﹗都唔知要擔驚受怕到幾時
其實昨晚回到家，上黎呢度睇，先至知道原來佢已經唔係第一次，再細心睇，我發覺佢媽其實都係由得佢，佢可以自由出入，次次都無人陪，佢媽昨日仲死口話佢次次都有陪住個仔，講大話﹗
其實我都係想大家知道，小心d呢個人，仲有，千萬唔好怕煩怕事，如果你有事唔報警，佢就會更加過份，因為佢個人只係有自閉症，佢 IQ 唔係有問題，之前係推人，現在係打人，咁啫係佢會睇人黎打，越來越惡，所以千萬唔好怕，一定要報警，如果唔係，將來的問題只會梗嚴重

支持你既正義,
祝你早日康復。

你要多多保重呀, 真係估唔到佢殺傷力咁

我個日番工都見到你坐係大堂 .. 隻眼紅哂好似想喊咁 ... 真係可憐 ..

唔知Aegis講緊o個個女仔係咪我呢? 因為我上星期就有好類似既恐怖經歷.
當時我真係比佢嚇到腳軟, 更加唔敢同佢有eyes contact, 由o係lift驚到去巴士站. 又冇人陪同, 都唔知佢會做d咩異常嘢. 跟住我每朝番工都好驚再遇到佢.
尋日知道尼件事就仲驚, 今朝出門口都要搵人陪. 都唔知要驚到幾時.......
希望好心既街坊, 如果再見到有受害人(特別係女仔), 可以示意陪佢地一齊行, 等佢(男子)以為你地相識, 唔敢亂嚟. 因為真係好好好..... 驚o架.   

好可憐. 希望你快d好番.

Agree....佢有病(精神有問題)唔係自己想, 但作為佢既家人則有必要教育同看實佢.
有危險他人行為便應想想是否應送他去有關機"購"學習/住宿, 去改善他的行為. 又有沒有去看醫生, 食葯安定其情緒.
如果家人沒能力24hr 看實佢, 就不應讓佢係民居自由出入. 對佢, 對大家都非好事.

我之前在其他 post 見到第一座有個這樣的人在, 我都好驚會撞到佢, 每次等 lift 如果見到 d 類似的人, 我都會望一望清楚 (我到而家暫時都未知佢個樣), 現在還發生 d 咁嘅事, 如果冇辦法去阻止佢,
我哋只有帶些防身物品以備不時之需, 佢都咪以為我哋女仔好蝦

Dear JaniceChan :
妳要保重, 好好養傷, 唔好咁唔開心

想問吓警方有無起訴個男子,你可以要求!
這個男子如果真是有問題, 法庭會他入醫院2個月,而不是2日.
這對他還好些.

我都未知，因為落完口供之後，警方話會遲d聯絡我，
至於我地的管理處至今我都未收到任何電話，我都唔知佢地跟進到咩地步