多多保重. 估唔到佢唔係一般既自閉....

我家以前都有一位"低d仔"鄰居, 佢仲住我屋企隔離, 但我地一直都見怪不怪, 而且相安無事廿幾年, 佢又不會打人or 攻擊人, 雖然有時會大叫大嚷, 但都係在家的時候同係對佢既家人, 咁我地都會體諒, 佢屋企人又叫係有禮的人, 看現在這位人兄卻...

這樣的行為已經不可以用自閉作解釋, 輕鬆帶過了, 他的家人真的要付上一些責任, 如果他自己不能的話...

其實有無區議員同社工幫呢家人

佢地係時候做野.

甘你以後要小心D,仲有如果有遇見咩奇怪事要知會大家一聲,等女士們都有心理準備同做好防犯措施

如果再有d咁的事，記得去管理處度講，仲要佢地 record 低呀，
咁係對大家最大的保障

十萬個支持您既正義啦,我一早講過遲早出事啦,佢亞媽重話因為佢等唔到 lift就發脾氣打人,若然係個婆婆咁點算呀？骨都斷啦,若然佢想非禮個女仔,個女仔唔俾,佢打人又正常呀？佢老母有無病呀 ？個仔打完人重講風涼話,奉勸各位老人家、女仕、孕婦小心點,遇到佢時提高警覺,千奇唔好怕否則俾佢打死都唔知呀。

早就叫管理處同佢家人傾一次啦,唔通真係要搞到有人命傷亡先處理咩 :o ,呢條友再係咁搞落去,遲早打錯d有背景人仕,保證佢返唔到屋企啦,不知所謂既老母,破壤卡通臺安寧:o

最後祝 Janice Chan 早日康復,以後都碰不見條白痴仔

我都遇到佢...我今日放工搭小巴,見到車頭有位,就埋去坐啦,點知我隔離位個男仔係咁望住我,我已經有D驚,但係我全程都扮到好鎮定,無望過佢一眼,好彩車程好短,好快落車,因為我幾日無返黎,所以都唔知發生咁大件事,我都係住一座,而家知道發生左事,都唔敢一個人落樓啦. 希望你(JANICECHAN)早日康復啦.

係啦, 萬一再見到佢而又再比佢嚇親, 我一定向管理員報案. 希望唔好再見到佢啦.  
其實, 早幾日o係斧山道巴士站等車, 突然好嘈, 達達達.....聲, 又係佢呀. 見佢一支箭唔停咁向下跑落去, 完全唔理其他路人. 條路都幾多人(又有老人家), 又斜, 又好多樹枝樹葉, 好易滑倒, 真係幾危險. 所以經常行尼個方向既街坊要注意及提醒家人, 離遠見到佢或聽到d'達達...聲'就行埋一邊, 比佢過咗先啦.

吖..... 其實我地屋苑有冇管理員定時巡樓呢? 又好似唔係好覺眼噃. 有冇人見過管理員巡樓呀??

我都見過呢個男仔幾次,當我每天行落去迴旋處果條路時,果條路好窄o家啦,果個男仔又有d問題,
見到人跑佢又跑,仲要捉住個"重要位置",同埋好近敢望下人,又跑下一陣又望下人,嚇到我半死,
所以我日日返工都好驚撞到佢,見到佢又唔可以超越佢,又唔可以咁近佢,因為真係好危險,
唔知警察幾時先可以捉佢返去,一日唔捉佢返去,一日就要提心吊膽喇,慘!

就此問題，其實管理處是否需發知會通告通知大家？因為我唸無上嚟此處嘅人都未必知道。

佢好似8:00至8:15am 出門口搭笠, 而家我提早出門口, 八時前未撞過佢, 試過迫笠被佢大力推背脊, 無仇報! 怕怕

我問過有關人士,你可以要求警方起訴他.

傻仔係犯咗"普通毆打" 或 "毆打" 既罪行,除非您願意和解不追究,否則警察須檢控佢,但可能因佢既病態關係,會改用警司警誡佢(當然佢老母或監護人亦要在場)。

警司警誡-只係比18歲以下的少年
唔係比呢類「聰明人士」
如果有足夠証據告入佢
加上醫生報告
佢應該要搬......
由diamond hill搬去green hill

[ 本帖最後由 shanking 於 2008-5-29 05:24 PM 編輯 ]

如果個男子真是有病,法官會判佢強制入醫院接受治療,這對他會好些.