無上o黎幾日原來發生咁大件事！我起初都以為佢係推下人，估唔到仲打人 。希望 JaniceChan 同埋呢位人兄都快d康復啦，咁大家都有好日子過。

陳小姐就一定會康復，而呢位仁兄，唉....希望佢唔好遇到惡人喇，亦希望佢屋企人想下辨法。大家小心出入喇，盡量避免單獨同佢搭電梯，遇上佢，大家就發揮互相照應咁喇。

我見過果個男仔撘小巴坐車頭, 對個八達通機好有興趣, 仲伸手去攪, 比個司機捉住鬧, 話佢已經整爛好多部機
司機唔開門, 全車人陪佢無得落車, 但佢識得拉度門條鐵自己開門走人, 都幾醒架
我同佢同過{車立}, 佢會迫自己個身去個{車立}門度等一開就衝出去, 如果同佢同{車立}, 我諗最好 "讓"個{車立}門口位比佢囉

你講得對, 上次我塞住笠門口位, 就被佢從後大力推左一下, 下次遇倒佢, 讓番個頭位佢衝, 我受不了幾多下

想請問今晚返屋企,係地下大堂lift 旁邊,有張警方的告示,因為趕住入lift,無時間睇,請問講緊以上案件呀???

係呀，就係關於呢件事﹗
因為警察同我講那日影到的閉路電視未有足夠證據，證明唔到佢打我，而我當時又低頭用電話，亦睇唔到佢打落黎，
所以要搵證人....
希望當日係LIFT度的幾位女仕可以出黎做證人，講出整件事，唔該晒﹗
另外，講返我的傷勢啦，經過兩星期的治療，用咗幾千蚊 ，身體上大至都好返得八八九九嘞，但個心仲係好驚，每朝都要搵人陪我入LIFT，每次個LIFT經過14樓，我都會好怕，怕LIFT門開，怕見到佢入LIFT.....
有一朝，當LIFT到14樓而又LIFT門打開時，我真係遇到佢，當時佢望住我，我已經怕到係LIFT入面搵位避，我避咗係個LIFT的角位，仲要有兩個人企係我前面，個心好驚，....當LIFT到地下，我又怕出LIFT，我仲要慢慢行，怕同佢一齊行呀，我都唔知幾時先可以唔再怕.....
所以我好希望當時同我一齊係LIFT入面的其他幾位女仕可以出黎做證人，講出整件事，等警方可以處理，將來唔會再有呢D咁的事發生﹗

警方現正調查一宗於2008年5月27日上
午大約8時，在嘉峰臺1座7號升降機內發
生的毆打案件，一名女住客在事件中受傷。案
發時，升降機內有多名乘客，現呼籲有關乘客
盡快與警方聯絡，以便警方作進一步調查。

如有任何資料提供，請聯絡黃大仙警署行
動支援小隊，電話23529319

希望你身體同心靈都快d復完

衷心祝福你盡快完全康復!
我同你一樣,每次係走廊等lift,都注視部lift 有無停係14樓!
有次見部lift 係14 樓停左先落黎,我即刻唔敢搭呢部lift,寧願再等下一部呀!
因為你的遭遇實在太可憐啦!
祝安好!