警方呼籲

警方現正調查一宗於2008年5月27日上
午大約8時，在嘉峰臺1座7號升降機內發
生的毆打案件，一名女住客在事件中受傷。案
發時，升降機內有多名乘客，現呼籲有關乘客
盡快與警方聯絡，以便警方作進一步調查。

如有任何資料提供，請聯絡黃大仙警署行
動支援小隊，電話23529319

警察話佢只係自閉症患者, 並非對社會造成重大威脅, 即使証明佢有打人, 他亦無需坐監

似乎警察只想close file，因為只要無人指証佢，佢就可以無事，警方亦唔需要做事，
但我個人唔係咁睇，
首先我都唔係要佢坐監，我只係要出入安全，佢會打人，又可以自由一個人出出入入，已經對我地造成重大威脅，
所以要做我地應該做的事，為了保障自己，應要向警方講出所見到的，等法庭判斷，唔一定要坐監的，可以係入醫院接受治療，如果治療唔得，下次又再打人，咁法庭都有今次的record，可能會再考慮佢需唔需要長期治療，又或者，一定要佢有監護人(當然要一個可以控制到佢的人)係身邊，先可以自由出入公眾地方，咪等佢又再打人，
因為我已經有幾次見過佢一個人自己出出入入，無人帶佢....我覺得佢屋企人好似唔太理會，由得佢咁，咁好唔負責任，
所以...我真的希望你可以出來做證人，起碼等佢屋企人知道，唔可以由得佢自由咁威脅到大家﹗

如果......我話係如果....
D醫生、心理學家等專業人員評估佢再犯既機會好低，而比佢返嘉峰住。
而你再係嘉峰範圍lift口遇到佢，你會有咩反應?

唔厘佢, 就係助長
人人都有機會見到
如果係d 小朋友比佢打...分分鍾要入e 院

有道理。

其實好多人在討論這次事件都會驚犯左殘疾歧視，但係，當事主真係做過一D傷害大眾安全的行為，咁就唔可以用「精神健康有問題」來做擋箭牌。

就算SELIN那句「警察話佢只係自閉症患者, 並非對社會造成重大威脅, 即使証明佢有打人, 他亦無需坐監」是真的，不需坐監，但不代表警方不用做任何事。

他打人，是事實，要不要坐監或接受強制治療，呢D唔係由警方決定的，警方的責任是執法，有人的的確確打人、撞人、坐車唔比錢，警方的工作就是要拘捕他，控告他，至於法律對他有什麼裁決，那是法庭的決定！

總之不能用一些蒙混的方法把應做的事避開不理，要過安全安穩的生活，每個居民都要出一分力。

其實有幾多人目睹事發經過?
發生事件時佢地又做緊D咩?

睇返當事人描述，當日在LIFT內明明有其他人，而且沿途追出來時又有保安員，點解而家搵證人同證據都有困難？

有人被打邊個都唔想，如果怕事唔敢指正，第日受害的輪到自己OR家人，又冇人肯作供，咁又會點？

不過反而想知，係咪果次之後，果位有問題的哥哥已經有所收歛，如果有，咁都算係有阻嚇作用，希望情況早日有改進啦。

架lift有閉路電視架嘛。
我唔係讀法律，唔知閉路電視可唔可以呈堂。
不過應該都可以作輔助證據。

之後有事主驗傷，我估警方都夠料架啦。

不過同lift人見個女仔比人打都係度食花生就有D涼薄。

原來是有幾位女士在lift中的.
我想幾位不出來作供原因有:
1. 怕麻煩, 因為作供要sai時間
2. 怕多個敵人, 怕問題青年同家長事後找麻煩
3. 出於同情心, 覺得個男仔有病好慘唔想佢比人拉

但係呢d通通都係錯的, 因為唔解決除左幫唔到個男仔, 亦會助長左呢d事發生, 話唔埋有朝一日被打的是自己或屋企人.

無論咩原因, 希望目擊者快出來作供.  我以前就係比對面戶滋擾冇人幫手個個推搪, 搞到要搬走(已經4個月了), 我唔想有人步我後塵.

我都希望目擊者快出來作供.
可能法庭會轉介d合適機購可以正確教育佢

我係小朋友,,,會吾會比佢打嫁,,,我都好驚驚ar...