我覺得只要隻動物無做成影響住戶,其實真係無必要設訴....除非真係好過份,我曾經係平台個公園見到有d人隨處吐啖,大聲講野啦!!唔通我又走去設訴咩....

其實投訴原因係唔關佢地嘈或佢地嗅事, 係依度根本唔俾養,
我樓上都有人偷養狗, 我都有想過去投訴, 不過我都算同你心態一樣,
只係覺得如果真係好過份, 佢隔離鄰居都會投訴, 更何況暫事都無影響到我, 所以都冇投訴。
可能有其他人(大部份)覺得唔可以容忍, 覺得咁樣做只係助長其他人有樣學樣，
佢地隻狗要迫走個苦況就應該要受, 但我想到隻狗最終會去吉針就打消o左個念頭。

部份欠公德心的居民比貓狗違害更大，為禍更多，牽連更廣，卻不用被下令遷走，還可逼走其他一等良民。

冇影響住戶就唔舉報,
冇影響自己就唔投訴,
唔想隻狗去吉針就唔行動,

用D唔係理由既理由去合理化件事，一個字，掂!

小事化大,非睦鄰相處之道.無人說過事件合理與否,只是說出投訴與否的理由.既然係理由,又為何"唔係理由"??或者可以說在這裡養狗是法規不容許的,但相信居民各有各的立場和理由去決定是否投訴

所以我覺得只要養貓貓狗狗既主人做好本份...唔騷擾其他主客我覺得對我黎講係無問題囉.

講"掂"邊及你, 我講咩都關你事, 我點想又關你事,
我唔舉報, 唔投訴, 唔行動, 理由合唔合理都又關你事

你覺得咁唔合理就查下我樓上隻狗係咩單位再投訴佢喇

我雖然對動物麻麻地好感，但就覺得相對我附近某位鄰居閒時晚上大聲講粗口更能接受

唔駛理果條友！佢只係見我有Post搵交嘈

係咯，有D人表面上冇養，實際污糟那渣養小強！哼！
至於深宵粗口，本人亦曾長期受苦，講真，比貓狗叫聲更討厭！

見你有Post搵交嘈?你又唔好自視過高,以為有人針住你。
我係唔同意冇影響住戶就不用投訴呢個POINT

住戶自己都唔把關，唔出聲，管理處接唔到投訴唔做野，
令到原本無養而想養既人會諗:大把人養，我又養啦。
咁唔係默許,唔係合理化咩?

冇錯,住戶係有權選擇投唔投訴。
但我都有權評論呢種想法下話?

既然你都覺得住戶係有權選擇投唔投訴既,咁你咪即係自打咀巴囉...仲有唔係每一個想養動物既人都好似你講到咁...(人養我又養呢句囉).

自打咀巴?你認為有權唔投訴=不可評論唔投訴(行為)?
正如alextam 所講住戶根本有權選投訴或唔投訴。
係活生生既權利，無需否定。這個不是由我去覺得的，根本係事實。

簡單把嘉峰住戶分三類人
1)不養寵物
2)偷養寵物
3)想養寵物，但怕比人投訴而唔養既人

我係指出唔投訴會帶來既後果：咁樣會默許了養寵物既行為，正正助長部份第三類人去養寵物。

你話：「我覺得只要隻動物無做成影響住戶,其實真係無必要設訴....」
我真係不敢苟同，先至開post評論，完全對事不對人，有錯請不吝賜正。

唉！你記仇未認o左佢law，先前我開"大爺"Topic都估你想搵交嘈特登唔理你，但估唔到今次咁主動！
有幾個人都好像我咁講，我就咁好彩俾你揀中來嘈！原來我真係相比其他人高D容易中D，

記住我冇叫人唔好投訴，唔投訴只係我本人的想法，
唔似某D人上來依度講"咁樣好D / 咁樣先有進步"響度幫人洗腦
我唔投訴關你咩事，你有咩資格去評論我個心態，唔好再用你自已個把尺去定每個人對與錯，
我先前都講過，你咁掂就自已查自已投訴。

[ 本帖最後由 ribtse 於 2008-9-20 10:58 PM 編輯 ]

"人養我又養呢句囉"

依條友係最叻就係依樣，當自已係KF代表