好坦白講,而家警察界根本剩番一群學歷低,工作態度差,懶散又唔肯投入工作的打工仔.這是成個警界的風氣現實.是我做警察的朋友跟我講的.由於升遷制度的問題,只會升一些年資老的差佬,後生肯博的,就算有優秀表現,都唔會被升,要升就起碼等十年八載.故此,很多早期經濟不景時入了警隊,有大專程度以上的後生(甚至精英),原本都想在這行發展,但制度使他們心灰意冷,由於學歷有番咁上下,故絶大多數都轉行或投考政府工(原來做過警察再考政府工係好容易入的).剩下來的都是那些不想走,不會博的人,因他們知道無風無浪等幾年都會升到佢.他們學歷通常都係中七或以下的.因此,你見為何警察成日請人,不是因為甚麼高風險工作的問題,而是好多初期對警察有熱誠的人未能有工作滿足感而離職.所以近來一哥先至話檢討升職制度,因佢班高層都已經留意到這現象.
故此,警察仲係咪好似以前咁正義,咁能幹的形象,我可以講今時今日絶對唔係.你見佢無啦啦講粗口都知佢乜野品格.而且佢地做事都係唔想煩的心態處理.有次我見違例泊車,向剛行過的軍裝投訴,佢地對住我就講會去處理,轉頭根本就無理你,無處理,因為我直接行埋一邊看他們有沒有抄牌.但他們沒有抄.有時更覺得佢地欺善怕惡,有次有個阿伯或後生仔唔睇燈過馬路就比差佬截,但見到一些青年至中年的成年人(好似我咁)就唔會理你.鬼咩!佢驚你同佢嘈仲多過你驚佢.咪唔理你囉.總之而家差佬,由於是軍裝(初入行一定係軍裝),個腦的批判思考仲慢過普羅大眾,剩係識得用法律給與的權力:暴力去處理燒到佢條尾的人.一句總結,現時的差佬真係好差.故下次遇上差佬,不要怕,同佢玩大去,攪花佢個file,到時佢仲麻煩.想升都要加多幾年.

嘩....乜你講到咁黑暗呀...
正所謂樹大有枯枝, 唔好咁灰

但係, 你係度叫其他人同警察玩大d,攪花人地個file,影響升職機會....咁樣好似唔係咁好, 同埋有d唔負責任wor

善哉,善哉,其實人與人之間係互動!下次給予一點笑容,說不定會有不同的體會。

"alextam"嘅論點我都理解亦明白,因現今嘅警察只抱着不求有功但求無錯心態處理事情便知,怕麻煩,怕孭鑊,千奇唔好俾人投訴,否則影響仕途便大件事。其實大家可以相比於80~90年代嘅警察便略知一二啦,原因當時年嘅警察大部份由一間學校訓練出來,而佢哋自願只係做一個好嘅警察(因學歴不高,不貪圖升職),並不象現時嘅"差人"只顧升級和不要被人投訴,等十年八載自動升級終老便算,好像我地有位街坊被一名精神有問題嘅人襲擊都要左問右問又話要揾證人,將件事搞到有幾煩就有幾煩,務求令您不追究或要將件事做到無械可擊等等.唉~年長一輩嘅人以往只會聽到警察打人,而不是警察俾黑社會"圍"、"兇"、罪案大增。前線警察最主要係防止罪案發生,並不是待罪案發生後才高調調查或追捕有關人仕等廢話,香港冶安雖比其他地方好,但不得不承認香港未來嘅冶安會由十零歲嘅童黨開始轉壞 ,但以現時警隊質數睇怕都唔好要求得咁高 。