實在不明白，為何附近有咁多條村，竟然沒有一個似樣D的街市。雖然有免費穿梭小巴去慈雲山，但係成日都等到火滾，尤其係回程成日都未必等一架就上到車，好唔方便。富山村個街市超廢，如果去華潤同惠康唔新鮮又貴，唉...我地呢D要返公又要煮飯既師奶仔都好想買D又新鮮又唔好貴既餸啫，唯有每日急急腳收工去黃大仙地鐵站上面個街市買啦，雖然都唔係話好多選擇，但起碼都係新鮮的。

可以行去牛池灣街市買.都唔係好遠.

我都去過，我都已為好近，不過行過去都要成15分鐘，都係唔係好方便

唉!真係極不方便，妳還好啲，因為可以用腳行，最多係吃力啲同好麻煩，但我家中的老人家隻腳經常有痛疾，如妳所說，富山村個街市超廢，去華潤同惠康唔新鮮且又貴，想買D又新鮮又唔太貴嘅餸只有去慈雲山好運街市，亦如妳所說，等車等到火滾，回程又成日都未必等一架就上到車，好唔方便，我亞媽甚至覺得黃大仙中心街市都無乜野賣同埋好多檔主態度唔太好，佢腳痛亦堅持要去慈雲山街市買，做仔的我睇到真係好心痛，尤其係早排炎夏日日三十幾度要等好運街市啲車嗰時，作為後生仔的我唔煮可以天天出街食，但老人家喜歡餐餐喺屋企煮，我都無晒辨法

講堅, 呢到咁多人住, 冇理由d人唔駛食...

個富山街市, 我都未見過一個咁癈既街市, d檔主冇生意到可以打牌... d野邊生鮮..

我覺得搬了來呢到最煩就係買送..